واٹس ایپ نے اچانک ایسے فیچر کا اضافہ کردیا جس کا کروڑوں صارفین کو علم نہ ہوا

 واٹس ایپ نے اچانک ایسے فیچر کا اضافہ کردیا جس کا کروڑوں صارفین کو علم نہیں ہے۔

حال ہی میں واٹس ایپ نے اپنی میسجنگ سروس میں ایک بہترین فیچر کا اضافہ کیا ہے۔ اس فیچر کے ذریعے صارفین کے لیے میٹا کی زیرملکیت میسجنگ سروس میں فون نمبر محفوظ کیے بغیر لوگوں سے چیٹ کرنا بہت آسان ہو جائے گا۔

نئے فیچر کے تحت اگر آپ کسی فرد کے فون نمبر کو کانٹیکٹس میں محفوظ کیے بغیر چیٹ کرنا چاہتے ہیں تو یہ عمل آسان ہو گیا ہے۔

آئی او ایس اور اینڈرائیڈ صارفین کے لیے واٹس ایپ کے تازہ ترین ورژن میں یہ نیا فیچر متعارف کر ا دیا گیا ہے۔

کمپنی نے اس فیچر کا اعلان نہیں کیا لیکن ویب بیٹا انفو نے ایک رپورٹ میں اس کے بارے میں بتایا ہے۔

نئے فیچر کا استعمال 

اگر آپ واٹس ایپ استعمال کر رہے ہیں تو چیٹ لسٹ میں اسٹارٹ نیو چیٹ کے بٹن پر کلک کریں، پھر وہ فون نمبر درج کریں جو آپ کی کانٹیکٹ لسٹ میں موجود نہیں۔

اگر وہ فون نمبر واٹس ایپ پر موجود ہوا تو پھر آپ اسے ایڈ کیے بغیر بھی چیٹ کر سکیں گے۔

اگر یہ فیچر نظر نہیں آ رہا تو گوگل پلے اسٹور یا ایپل کے ایپ اسٹور پر واٹس ایپ کو اپ ڈیٹ کریں۔