ترکیہ؛ صدارتی انتخابات کے دوسرے مرحلے میں ووٹنگ جاری.

 .ترکیہ؛ صدارتی انتخابات کے دوسرے مرحلے میں ووٹنگ جاری

ترکیہ میں صدارتی الیکشن کے دوسرے مرحلے میں طیب اردوان کی جیت کا امکان ہے، فوٹو: ترکیہ میڈیا

انقرہ: پہلے مرحلے میں کسی بھی امیدوار کے 50 فیصد سے زائد ووٹ حاصل نہ کرپانے کے باعث ترکیہ میں صدارتی انتخابات کے دوسرے مرحلے میں رائے شماری کی جا رہی ہے اور ایسا 100 سال میں پہلی بار ہوا کہ صدارتی الیکشن دوسرے مرحلے میں داخل ہوئے۔

انٹرنیشنل خبر رساں ادارے کے مطابق ترکیہ میں صدارتی الیکشن کے دوسرے مرحلے میں صدر طیب اردوان اور اپوزیشن رہنما کمال قلیچ دار اوغلو کے درمیان کانٹے کا مقابلہ ہے۔صبح 8 بجے سے شروع ہونے والی ووٹنگ 5 بجے تک جاری رہے گی۔

یاد رہے کہ 14 مئی کو ہونے والے صدارتی انتخاب میں 90 فیصد ووٹر ٹرن آؤٹ ہونے کے باوجود کوئی بھی امیدوار 50 فیصد ووٹس حاصل نہ کرسکا تھا۔

صدر طیب اردوان کو اپنے مخالف امیدوار پر 5 پوائنٹس کی برتری حاصل تھی لیکن۔

صدر اردوان کے مدمقابل کمال قلیچ دار اوغلو نے 44.89 فیصد ووٹ حاصل کیے تھے۔

صدارتی الیکشن کے پہلے مرحلے میں 5 فیصد ووٹ حاصل کرنے والے سنان اوغنان نے دوسرے مرحلے میں صدر اردوان کی حمایت کا اعلان کرچکے ہیں اس طرح دوسرے مرحلے میں صدر اردوان کی جیت کے کافی روشن امکانات ہیں۔